Ada ada toriolo

                          PAPPASENNA TORIOLOTA RILALENNA LONTARA’E

1. TELLUMI APPONGENGNA DECENGNGE

     - SEUWANI          : PESANGKAIYYENGNGI  TIMUNNA MAKKADA ADA MAJA’

     - MADUANNA     : PESANGKAIYYENGNGI NAWA NAWANNA MANNAWA NAWA MAJA’

     - MATELLUNNA : PESANGKAIYYENGNGI WATAKKALEANA MAGGAU MAJA’

2. TELLUMI RIALA SAPPO ( PALLA )

     - SEUWANI           : TAUE RI DEWATAE

     - MADUANNA      : SIRIE RIPADATTA RUPATAU

     - MATELLUNNA  : SIRIE RI WATAKKALETA

3. DUA TANRA ACILAKANNA SIDDIE TAU

    - SEUWANI            : MEMPURUIYYE TAU MAUPEE

    - MADUANNA       : MECAWA CAWAIYYE TARO DEWATAE

4. ATUNANGENG MENGKAIWI SIDDIE TAU

    NAREKKO NAPOJIWI PAU-PAUJAI PADA-PADANNA TAU

5. AJALALO MUAMMINASAINGNGI RIMAJAE PADAMMU RUPATAU

    APA’ MATTENTU IKO MATU NAREWEKI JANA MAUNI MADECENGMUNA GAUMU

    APA ITURENGETTU GAU MADECENGNGE RIATI MAJAE NADESSA NARITURUNGENG ATI                         

    MADECENGNGE RITGAU MAJA’E

6. EPPA LASANNA ATIE

    - SEUWANI           : SIRI ATIE

    - MADUANNA      : PEDDI ATIE

    - MATELLUNNA  : TANRE ATIE

    - MAEPPANA        : SARA ATIE

SIDDI BAWANG TEMPEDDING TENRIOLA , NAREKKO TIAI TEMMAKKUA IYANARITU SARA    ATIE,IYYARO TELLUE DE; DECENG NAPAPOLAE JA’BAWANG SIMATA-MATA

7. AGI-AGI POLEIKI ITIWI LAO RIPAHANG MADECENGNGE , PAJANEPPI CAPPU PAHANG MADECENGNGE

    NAPPAKI LETTE RIPAHANG MAJAE ( IPAKKALU ATAUWI )

8. DUA TEMPEDDING RIPUCAI

     MAKKUAE SIBAWA TEMMAKKUAE

9. NAIYA TAU TURUSIE NAPESSU PADAI AKKALARAPANGENNA TONANGI LOPI SEBBO

    - TAUENA RIALA SAPIRI

    - AGAMAE RIALA LOPI

    - LEMPUE RIALA WISE

    - TEPPEENA RIALA SOMPE

    - ASABBARAKENGNGENA RIALA NAHKODA

    - AMALA MADECENGNGENA RAIALA BOKONG

10. IYYA LOLONGENNA DECENGNGE LIMAMPUANGENGI

    - SEUWANI              : PAKATUNAIPI ALE RISITINAJAE

    - MADUANNA         : SAROPI MASE RISILASANNAE

    - MATELLEUNNA  : MAKKARESO PATUJUE

    - MAEPPANA          : MOLOIYYE ROPPO ROPPO NAREWE

    - MALIMANNA       : MOLAE LALENG NAMATIKE NAPPASANRE RIDEWATAE

11. IYYA TANRANNA TAU MACCAE

   - SEUWANI              : MALEMPUI

   - MADUANNA         : MAKURANG CAII

   - MATELLUNNA     : MARADDEI RIGAU SITINAJAE

   - MAEPPANA           : MAKURANG PAUI RISESENA ADA ADA TEMMAKKEGUNAE

12. EPPA PARAMATA MATAPPA

   - SEUWANI              : LEMPUE NASIBAWA TAU    

   - MADUANNA         : ADA TONGENGNGE NASIBAWAI TIKE’

   - MATELLUNNA     : SIRIE NASIBAWA GETTENG

   - MAEPPANA           : AKKALENGNGE NASIBAWAI NYAMENGKININNAWA

13.DESSIA DECENG POLE RISALIWENG KUAMANEMMOI POLE RITELLULAPPAE

   - SEUWANI               : AGI AGI MUPOGAU ITAI ADDIMONRINNA

   - MADUANNA          : AJA MUMACAI TEYA RIPAKAINGE

   - MATELLUNNA      : TETTONGI LEMPUE MUPAKEI SABBARAE

                                                        

14. EPPA GAU RIWATTAKALETA

      - SEUWANI              : NAWA NAWAE, IYYA PADDE ENGNGI NAWA NAWAE PACCAI CAIRENGNGE

      - MADUANNA         : BICARAE , IYYA PADDE ENGNGI BICARAE MANGKAU BAWANGNGE

      - MATELLUNNA     : SIRIE , IYYA PADDE ENGNGI SIRIE MANGOA

  - MAEPPANA           : GAU MADECENGNGE , IYYA PADDE ENGNGI GAU MADECENGNGE ,           

                                                CAPA CAPA ENGNGI PADANNA TAU

15. AJA MUMAGELLI  AJATO MUMACAI RIPAKAINGE

      AJA MULEBBI ADA RIBICARAE.AJAMUMARAJA ADA RIBICARAE. REKKO RIDUAINO, RITELLUINO.

      LUKKANOTU ADE TORIOLO KOMAKKOI. AJA MUANNAU NAU RIPATTARONA BICARAE.MABUSUKKO

      RIADAE ASSAMATURUSENGNGE .

      AJA MUPOLO AKKATTA , AJA MUTULA ADA ADA MAUNI TEMMUELORI MENNANG NAGELLIO MATU

      DEWATAE NAPASAJUKO.

16. NAREKKO ENGKA ADA MAELO MUPUADA.

      ENGKA PANGKAUKENG MAELO MUPOGAU

     TANGNGAI IMUNRINNA, TIROI YOLONA, MUKIRA KIRAI TENGNGANA . MUPIKKIRIKIWI SIBAWA                    

      MADECENG , MUPOGAUKAI MADECENGNGE , MUTETTANGNGI MAJAE, TENNADDIMONRITU

      SESSEKALE

17. NAREKKO ENGKA MUELORENG NAPOGAU TAUWE , RAPANGNGI LOPI , MAELOPO TONANGIWI

      MUPATONANGIWI TAUWE. AJA MUPATIWIRIWI TAUWE , RITEMMULLEWE TIWI

      AJA MUPALIWURI TAUWE , NAREKKO DE MUKADO LIWURIWI

18. AJA MUPALALOIWI GAU TETTONGEMMU

      AJATO MUPALALOIWI AMPE SENRATAMU

      AJATO MUPALIWENGIWI ADA ADA TUDANGEMMU

      IYYANATU TAU  RIYAGELLI TENRIYADDAMPENGENG RIDEWATAE

      TAPPALIWENGNGE ADA ADANNA NENNIYA PANGKAUKENNA

19. IYYA TENNADDIMONRINGIE SESSEKALE.

       -  SEUWANI           :NAWANAWAE.NAIYYA SAMPOENGNGI NAWANAWAE IYYANARITU     

                                        ATAKKALUPANGNGE  

       -   MADDUNNA     :TANGNGAE.NAIYYA SAMPOENGNGI  TANGNGAE IYYANARITU CAIE

       -   MATELLUNNA : PANGILEWE. NAIYYA SAMPOENGNGI PANGILEWE. IYYANARITU LINGALINGAE.

       -   MAEPPANA       : SIRIE. NAIYYA SAMPOENGNGI SIRIE. IYYANARITU ANGOANGENGNGE.

       -   MALIMANNA    : TIKE.NAIYYA SAMPOENGNGI  TIKEE. IYYANARITU CAPPAE

20. KAKELALAOI MAEGAE RAMPERAMPEMU, NAMMAKURANG PAUPAUWAMMU. IYYA TAU MAEGAE

      RAMPERAMPANA . IYYANARITU MAEGAE PASSENGERENNA. NASABA MAKANJAI

      ASSIWOLOMPOLONNA. ASSIAMEAMENA , ASSIMASEMASEANNA. NENNIYYA

      ASSIPATTULUTTULUNNA PADANNA RUPA TAU , MAKKOTOPARO SALAMAI TAUWE POLE

      RIPAPPEJANA TIMUNNA NENNIYYA PANGKAUKENNA . IYYANARO YASENG MACCA TUWO . IYYA TAU

      MACCAE TOWO , NAREKKO DEI ISAPPAI . NAREKKO ENGKAI MAPPAGENNEI . NAREKKO DEI

      MAPPAKURANGNGI . IYYATOSI TAU DEE NAMACCA TUWO . TENRISAPPA KODEI . TEMMAPPAGENNEI

      KOENGKAI , TEMMAPPAKURANG KODEI . IYYAKKEPPANA ENGKAI TENRIPAMAGO MADDEI

      TENRIPAMAGI.

 21.TELLUMI RIAWA TODDO.

      1. LEMPU

      2, GETTENG 

      3, ADATONGENG.

22. NIGINIGI JEMMA MITA RIAWAI PADA PADANNA . TEMMAMMUKKAI RITU PADDIMONRINI .

      NIGINIGI JEMMA MITA ALONGKORENGNGI PADA PADANNA . MALONGKO TALALOLALO

      PAGGANGKANNA .

      NIGNIGI JEMMA ALENAMANI NASENG WARANI . MALONGKOI RIPADANNA OROANE PAGGAKANNA .

      NIGINIGI JEMMA ALENAMANI NASENG MACCA . RUMPAITU MATU PETAU ADE PETAU SARAGI .

23. IPULEBBI LEBBITA . IPONRO ONROTA . IPUTANRE DARAJATTA . TETTEKI MAPPAKALEBBI

      RITOPOLETA .

24. PITAIWI PADAMMU RUPA TAU . KEDOKEDO MADECENG. SIPASIPA MADECENG NENNIYYA AMPE

      AMPE MALEBBI.

      PARENGKALINGAIWI PADAMMU RUPA TAU. ADA ADA MADECENG. ADA ADA PATUJU NENNIYYA ADA

      ADA MAKKEGUNA.

25. ESSEKIWI MASSE. MAKKEDAE OWANGNGE PADEI SIRIE. GAU  MAWATANGNGE PALENGNYEI

      ASSISARO MASEWE RILALEMPANUA NAIYYA NGOAE RIYALA PONG. SAPURIPALE CAPPANA. NAIYYA

      CEKOE RIYALA PONG. SUKKARA CAPPANA. NAIYYA LEMPUE RIYALA PONG. ATUWONG  NAPUCAPPA 

      ASALAMAKENG. NAIYYA GAU SITINAJAE RIYALA PONG. CENNINGRARA NAPOLEYANG, NADDIMONRI

      DECENG, NACCAPPAKI ASALAMAKENG.

26. NAIYYA GAU PATUJUE. ENRENGNGE ADA ADA PATUJUE NASIRATANG. OKKOI TOMATANRE

      NAWANAWAE. NAIYYA WINRU SITINAJAE NASITUJUTUJU. OKKOI TOMATANRE TANGNGAE. NAIYYA

     ADA MADECENGNGE, GAU  MADECENGNGE, AMPE MALEBBIE, OKKOI RITO MACCAE. NAIYYA GAU

     MAJAE ENRENGNGE ADA MAJAE. OKKOI RITOPUSAE. NAIYYA GAU SALAE ENRENGNGE ADA SALAE.

     OKKOI RITOBONGNGOE.

27. MASERROLEBBI MAKKUTANAE. MASERROAPPISIYA LEBBINA MATANA IYYENGNGI ALENA.

      - SEUWANI           : PAKKITAIYYENGNGI ATINNA.

      - MADDUANNA   : PAKKANRENGNGI NAWANAWANNA.

      - MATELLUNNA  : PATEPPAENGNGI PANGILENA.

      - MAEPPANA        : PASITAINGNGI GAUNA.

        NASITURUPA EPPAE NAMADECENG, NAREKKO NAPOLEINEPI JA’ IYYANATU RIYASE TOTO OKI

        PURAONRO.

28. ENNENG UWANGENNA PANGKAUKENG RISESENA RUPA TAUWE, NARIYASENG TAU MAUPE IYYARO

      GAUE ENNENGNGE UWANGENNA. OKKOMANENGNGI MOMPO RIKALAWING ATI MADECENGNGE.

- SEUWANI             : LEMPUE,NAIYYA UPE’NA MALEMPUE MALAMPE SUNGE

- MADUANNA        : ADATONGENE,NAIYYA UPE’NA ADATONGENGE EBARAI LOPI RIALLURENGIWI

- MATELLUNNA    : MAGETTENG, NAIYYA UPE’NA TOMAGETTENGNGE MAWIJA

- MAEPPANA          : SIRIE, NAIYYA UPE’NA TOMASIRIE MAEGA SELLAONAYATTAROITOI RAHASIA

- MALIMANNA       : ACCAE, NAIYYA UPE’NA TOMACCAE SOGII

- MAENNENNA       : WARANI, NAIYYA UPE’NA AWARANINGENGNGE ( TOWARANIE ) PADDENRINGNGI            RIWANUAE

29. LAMPERIE SUNGE IYYANIRITU LEMPUE

       IYYA TANRANNA TOMALEMPUE MASSUKE RIALENAI

       IYYA GAUNA LEMPUE

    - SEUWANI             : NAREKKO SALAI NANGAUWI ASALANNA

    - MADUANNA        : NAREKKO ITASSALAIWI NADDAMPENGENGNGI TOTAPPASALANA

    - MATELLUNNA    : NAREKKO IPARENNUANGIWI DE’NA PACEKOANG

    - MAEPPENA          : NAREKKO ISANRESIWI DE’NAPABELLEYYANG

    - MALIMANNA      : TENNANGOAIWI NATANIA OLONA

 - MAENNENNA      : TENNASENGNGI DECENG NAREKKO ALELENAMI PUDECENGNGI, IYYAPA      NASENGNGI DECENG NAREKKO NASSAWARIWI TAUWE PUDECENGNGI

30. NIGI NIGI PAKALEBBII NENNIYYA PAKARAJAI PADANNA RUPA TAU

      ALENANATU NAPAKALEBBI NENNIYYA NAPAKARAJA

31. NAREKKO ENGKA TAU RIYEWA ADA MAPPAU JOKKA JOKKA, LALOI RISEDDENA TAUWE DE’ NILLAU

      TABE , NASENGI TORIOLOTA TAU TENRINYUNYURENG LOLONA IYYAREGGA TAU DE’NENGKA    

      NARIJELLOKENG SUNNA LANGI 

32. NAREKKO ENGKA TAU MAPPAU TENRITANAI, TANIYYA SUMPUNNA ADAE NASUMPUNGENGI, TANIA

      BALINNA ADAE NABALIYYANGNGI, NASENGNGI TORIOLOTA MAPPAU DE’ PALISU TARUNNA

33. IYYA MANCAJIE APPIKIRIKENG / ANNAWA NAWANGNGE RISIDDIE TAU

   - SEUWANI            : WINRUSENNA ADA NAPATUJU

   - MADUANNA       : ATURENNA ADAE NASITINAJA

   - MATELLUNNA   : APPASISUMPU SUMPUNNA ADAE NASIRATANG

   - MAEPPANA         : MISSENGNGE DUPPAI ADA NAPASAU

   - MALIMANNA      : MISSENGNGE MOLAI ADA NAPARAPI

 34. AJA SIYA MUEWAI SIAMASEANG TO MALINGA LINGAE

       IYYANA RIYASENG TO DE RAHASIANA. IYANARITU BONGNGOI NACILAKA.

       ATTARONG RAHASIANAI FIBELISI JAETONASIYA NASENG DECENG.

NAREKKO SIAMASEKKO TOMAKKOERO.  NATAROIBICCU ARAJAMMU.

NABBINASA AKUASAMMU.

35. PATAMPUANGENG AJA MURENNUANGNGI. AJA MUACCOACOA SANRESIWI APA

AJU TABUMITU. NAIYYA AJUTABUE. TELLU ONROWANG DEGAGA NAONROI MADECENG

1. RITAROI RITANAE NAKALEWOI BEBBU
2. RITAROI RIWAEE MALESSIWI ATAMANG
3. RITAROI RIAPIE MALESSIWI PUPPU. NAIYYA RIYASENG AJU TABU.

SEWWANI. RENNUANG ACCA NATEMMAKKITA RIELOULLENA DEWATAE

MADUANNA. RENNUANG APPONGENG IYYAREGA ASSALENG (DARA)

MATELLUNNA. RENNUANG.ASOGIRENG.

MAEPPANA. RENNUANG AWARANINGENG. NATEPPARAPI.

36. NAIYYA TAU TEMPEDDINGNGE  RITANENG BATUNNA. TENRIALA BINE LISENG. DE E

NAWEDDING RIALA AKKALARAPANGENG PAKKAUKENNA.

SEUWANI . TOWARANI MAGELLIE RIPAKAINGE. TEMMATTANGNGAE RISINING PANGKAUKENNA

                        IYYA TAU MAKKUERO. IYYASI LIPUNALEJJA. IYYASI NAONROI MAPPANRASARASA.

MADUANNA. TOMACCA MABBOKOE RIPAITAI. TEMMATTANGNGAE RIADA MADDIOLONA.

IYYA TAU MAKKUERO. IYYASI RAPANG NAWINRU. IYYASI NAONROI MAPPANGANRONGAN

MATELLUNNA. PANGULU MARANAKAERIYOLOI. TEMMAKITAE RISING TOMARIAWANA.

                        IYYATAU MAKKUERO. RIRENNUANGNGI NAMACEKO. RITAJENGNGE TANJENG PAK

                        KAMASENA DOKO RISANRESI

MAEPPANA. PANREADA CAMEDDINGENGE RIPARERESI. TEMMAKKITAE RIAPPALAO ADANNA

IYYATAU MAKKUERO. SANREKINAPABELLEANG. IPARENNUANGIWI SOLANG  NAPUCAPPA.

MALIMANNA. SULEWATANG MAKEDDOE RIPALEKO. NAMABONGNGO RIYAMANENNA JAMA

                        JAMANNA.

                        IYYA TAU MAKKUERO. TRENRITANENGNGI BATUNNA. RIPALURENGIWI REPO.

                        RENNUANNA BAKA SEBBO.

MAENNENNA. TOSOGI MASSUSAE RIADDAKARI. TENRITAJENGNGE TANJENG PAKKAMASENA.

                        IYYA TAU MAKKUERO. RIEWAI MABBALIBOLA MASSIMANGNGI NARUMPU.

                        BALI SIPUPURENG.

37.  EPPA UWANGENNA PADECENGIWI ASSUMPULOLONGENGNGE.

        SEUWANI. ASSIMASE MASBYANGNGE.

        MADUANNA. SIADDAMPENGEPPULANAE .

        MATELLUNNA. TESSILAKEE RI SITUJUNAJAE.

        MAEPPANA. SITIROANGNGE RIGAU PATUJUE ENRENGNGE RI MADECENGNGE.

38.  ATUTUI GAU RUSAENGNGE TANA ANCAJUNGEMMU. APA IYYATU NATANA ANCAJINGEMMU

        MARUSA, MALEBBIRENNI YAWANA TANAE MUONROI, NAIYYA WAWONA.

        NAIYYA TANRANNA TAU RUSAE TANA ANCAJINGENG.

-          NIGI-NIGI TAU MARAJA NGOWA. TAU RUSATU TANA ANCAJINGENG, APA IYYA NGOAE.

AKKEANUNNATU MATU SIAKKAMANARENNA, NANAWA NAWATO NAPUANNAI.

-          NIGI-NIGI TAU PAKARAJA PULANAI ALENA RIPADA PADANNA. TANRANNAITU TAU

        RIWAWONA NANAWA. NAIYYA TAU RIAWANA MEMENG TENNATTANGNGARINISA

        PANGKAUKENG.

-          NIGI-NIGI TAU TANGNGANAMUA NASENG PATUJU, GAUNAMUASA NASENG

        PATUJU. TAU RUSATU TANA ADDIMONRINNA. APA MAUSA MATTI RIDUWAI. RITELLUI

        RIBIGARAE TEYYATO REBBA. 

-          NIGI-NIGI TAU MAELO SAU WARANIWI PADA PADANNA SAU RIENGKAI PADA PADANNA.

SAU OGAI PADA PADANNA, SAU RIANNAI PADA PADANNA SAU MARETTABAI PADA PADANNA.

BALAKANG KACUCUI SAU ININNAWA ALEBBIRENNA.

39. BARANGKAUNA LILAE.

        IYYA BARANGKAUNA LILAE TELLUMPUANGNGI

        SEUWANI. DE’ NAPABBELLEYYANG

        MADUANNA. DE NAPUJIWI MAPPAU SALA BETTUANNA ADA MAJA DEE TUJUTUJUNNA.

        MATELLUNNA. DE NAELORIWI TANROENGNGI ALENA.

40. BARANGKAUNA ATIE.

        IYYA BARANGKAUNA ATIE TELLUI UWANGENNA.

        SEUWANI. DE NAMASIRI ATI RIPADANNA TAU.

        MADUANNA. DE NAMACEKO RIPADANNA TAU.

        MATELLUNNA.  DE NATAKABBORO.

41. NIGINIGI TAU DE NILLAU TANGNGA

        DETTO NATARIMA TANGNGA

        NENNIYYA DETTO NAPPETANGNGA. MALOMONITU PAPOLE SESSEKALE.

42. AGI-AGI MAELO RIPUGAU NAMAKANJANA ASSIDDIANGENGE / ASSITURUSENGNGE

        RIYATTAJENGITONITU DECENG NAPUBUA.

43. NIGI-NIGI JAMAI SIDDIE JAMA-JAMANG NADE NAPPAHANGNGI.

        AJANA MUTJENGNGI DECENG/ ADECENGENNA. ASSOLANGENNANA MUTAJENG.

44. AKKARITUTUKO MAJJOWA RIARUNG MALOLOE.

        AKKARITUTUTOKKO MACIO TITAU MAMMUALA SOGIE.

45. NAREKKO MELOKO LOLONGENGNGI DECENNA LINO NENNIYYA DECENNA AHERA

        AJA MUELORENGNGI NASELUNG ANU MAJA ANU MADECENGNGE.

        AJA NAENGKA RIATIMMU MASENGNGENGNGI ENGKA GAU TENNAISENG ALLATAALA.

        AJA NAENGKA RINAWANAWAMMU, MASENGNGENGNGI, ENGKA ADA TENNAENGKA.

        LINGA ALLATAALA.

        AJATO MUKAPANGNGI ENGKA NAWANAWA TENNAISSENG ALLATAALA.

46. IYYAPONNA LEMPUE DUAMPUANGNGI

        SEUWANI. IYYAPA TAPOADAI KADOPI MOLAI

        .MADUANNA. IYYAPA TAPOGAUI KADOPI LIWURIWI RIMONRIPI TAUWE.

47. SIDECEDDECENNASIDDIE TAU NAISSENG NAJEPPUIPI PITUE UWANGENNA.

        1. MAJEPPUIPIADE. IYYA TAU TEMMAJEPPUIYYA ADE. MALOMOI NAPAKALAOLAO ADAE.

        2. MISSEPPI BETTUANG. TEMMISSENGNGE BETTUANG. MALOMOI RIPELONGKORI

        3. MATAUPI RIDEWATAE. TEMMATAUE RIDEWATAE. MALOMOI NAPASAROSARO ADAE.

        4. MAGETTEPPI . TEMMAGETTENGNGE. MALOMOI MPELAI JANOI.

        5. NAISSEPPI RIYASENGNGE WARI IYYATAU TEMMISSENGNGEWARI. MALOMOI NAPASISAPISAPI 

            ADAE

        6. NAISSEPPI RIYASENGNGE RAPANG . TEMMAJEPPUIYYE RAPANG. MALOMOI SOROSI ULU ADA.

        7. NAISSEPPI RIYASENGNGE BICARA . TEMMISSENGNGE BICARA . MALOMOI PINRA

            ASSAMATURUSENG.

48. IYYA PADECENGIENGNGI APPARENTANGNGE ARUWAI UWANGENNA.

        1. MALEMPUPI.         IYYA TANRANNA TOMALEMPUE MASSUKERIALENAI.

        2. MAKKADATONGEPPI .       IYYA TANRANNA MAKKADATONGENGNGE TENNASSURIE BELLE

                                TIMUNNA.

        3. MAGETTEPPI.        IYYA TANRANNA TOMAGETTENGNGE TEMPELAI JANOI.

        4. MALELEPPI.           IYYA TANRANNA TOMALELENGNGE TEMMATINROE NAWANAWANA SAPPARENG ‘                               ADECENNA TOEGANA NENNIYA TANANA.

        5. MASEMPOPI.         IYYA TANRANNA TOMASEMPOPI MAPPANRE MAPPAINUNGNGE RIESSO RIWENNI

                                NATANIYYA GAU POJI RIALE.

        6. WARANIPI.             IYYA TANRANNA TOWARANIE. WARANI PAPPOLOADA RIESENA

                                NAPUDECENGNGE TOEGANA, NENNIYYA TENNAPASSARANGNGI ATUWONGNGE /

                                AMATENGNGE

        7. TEMMAPPASILENGEPPI.  IYYA TANRANNA TEMMAPPASILENGENGNGE. NAPAPPADA PADAMOI

                                ENGKANA SIBAWA DENA(NAPAPPADAPADAMOI LISEBOLANA NENNIYA PABBANUWANA)

        8. MANYAMEKKININNAWA,  IYYA TANRANNA TOMANYAMEKKININNAWAE. TEMMAGELLIWI

                                RIPAKAINGE (MILLAU TANGNGA, TARIMA TANGNGA NENNIA MAPPETTANGNGA).

49. IYYA MUSAPPA MALAMPESUNGEE. IYYAATU TOMALAMPE SUNGEE BURUNI UKUBUKUB TEPPAJAI

         IRAMPE PASSENGERENNA. IYYATU MALAMPE UMURUE METTAMI TUWO RILEONG TANAE.

        MAKANJASA KOMALAPEI SUNGENNA NAMALAMPETO UMURUNA.

50. EPPA TENRIULLE PAREWE.

        SEUWANI .                  ADA PURA RIPASSUE RITIMUE.

        MADUANNA.              ANU PURA RIYABBEANGNGE.

        MATELLUNNA.         ANU PURA NAKENNAE UKI.

        MAEPPANA .               UMURU PURALALOE.

51. PAKKEGUNAI LIMAE RIYOLOTEPPOLENA LIMAE IYYANARITU.

        SEUWANI.   LOLOMU RIYOLO TEPPOLENA MATOAMU.

        MADUANNA. SALEWANGEMMU ROYOLO TEPPOLENA MALASAMU.

        MATELLUNNA. ASOGIREMMU RIYOLOTEPPOLENA AKASIASIMMU.

        MAEPPANA. ASAGENAMMU RIYOLO TEPPOLENA MACIPIMU.

        MALIMANNA. ATUWONGEMMU RIYOLOTEPPOLENA AMATEMMU.

52. IYYA PAMARENTAE NADE LEMPUNA PADATONISA EBARANA SALOE NADE UWAENA.

        IYYA TOPANRITAE NADE AMALANA. PADATONISA BOLAE NADE LISENA.

        IYYA TOSOGIE NADE LABONA. PADATONISA EBARANA ELLUNG MAOMPEE NADE BOSINNA.

        IYYA PAKKEREE NADE SABBARANA. PADATONISA EBARANA BUJUNGNGE NADE SERONA.

53. NAREKKO TEMMULLEI TULUNGNGI PADAMMU RUPATAU NASABA WARAMPARANG TEMMASALAI

         RISESEMU. TULUNGNGI NASABA BABIRU IYYAREGA AMPE MADECENG.

54. IYYA RIYASENGNGE SIPAKATAU IYYANARITU.

        SIPAKALEBI SIPAKARAJA. SITANREREYANG SIRI NENNIYYA SITIROWANG DECENG.

55. IYYATU OLOKOLOE, SAPPANNAMI RIYAKKATENNI.

        IYYATOSI RUPA TAUWE. ADAADANNAMI RIYAKKATENNI.

56. IYYAPATU NAMASENGERENG GONA RIWELAIYYE BONGNGOPI PASSELLENA.

57. MATEMUA MAPATAE, MATEPI DUA TELLU MASSOLASOLAE.

58. MASSOLASOLA MATE. TEMMASSOLA SOLA MATETO.

        LEBBINI MATE MASSOLA SOLAE.

59. IYYA TEPPAJA KUSAPPA NENNIYYA WAMMINASAI RAPANNA RIYALAE PALLANGGA MARIYYANG/

60. IYYANA TEPPAJA KUSAPPA NENNIYYA WAMMINASAI. WEDDINGNGE WEWA SIAKKATENNIYYANG.

        MASSE RIPATTIMANG RIYAWANA BAKKAWENG NIPAE.

61. MAKKADAI LUKEMANILHAKIM. USAPPAI RIALEKU BABANG IYYA WEDDINGNGE NAOLA

        SETANGNGE MUTTAMA. ULOLONGENNI. SANEPPULO BABANG RIALUKE WEDDINGNGE

        NAOLA MUTTAMA SETANGNGE.

        1. CINNAE.      2. BELLEWE.    3. MATEBBEADAADAE.   4. PEDDITA LALOE   5. RIYO TA LALOE.   6. LAMPE

        NAWANAWAE.  7. NGOAE    8. MASENGNGENGI ALENA MAELO RIPEJARI RIPADANNA TAU  

         9. ATAKKABOROKENGNGE    10.POJIYALEWE.  IRIYASENG POJI ALE. NASENGNGI ALENA NAISSENG

         MANENG SININNA GAU RIPOJIE

62. MAKKADAI LUKEMANULHAKIM SEPPULOTOI UWANGENNA PASSAMPONA BABANGNGE IYYA

        WEDDINGNGE NAOLA MUTTAMA SETANGNGE.

1.       CINNA TA LALOE . USAMPONI SIRI.

2.       BELLEBELLEWE .USAMPONI TAU RIALLATAALA.

3.       MAEGA ADAADAE NATANIYAPAPPOJI RIALLATAALA. USAMPONI MEKKO

4.       PEDDI TA’LALOE. USAMPONI ASABBARAKENG.

5.       RIYO TA’LALOE (BONGABONGAE) USAMPONI SUKKURU RIALLATAALA.

6.       LAMPE NAWANAWAE. USAMPONI PARENGNGERRANG RIAMATENGNGE.

7.       NGOAE . USAMPONI MAKKADAE PURA MAKKOI.

8.       KAPANGNGENGI PADAKKU RUPATAU RIMAJAE. USAMPONI PESONA RIALLATAALA.

9.       ATAKKABOROKENGNGE . USAMPONI APPAKATUNANG ALE.

10.    SABA UPOJINNA ALEKU. USAMPONI PARENGNGERRANG RIALLATAALA.

63. PANGAJANA OPU PAWELAIE SUKKARANA.

        IKO SININNA NAK EPPOKU. AJA LALOKO MELORI WARAMPARANG LINO.

        ANU RIWELAI MUATU. NAIYYA LINO WANUWA LENYNYE SIBAWA LISENA.

        MAMADAINI LINO RIONROI POGAU PAKKASIWYYIANG RI ALLATAALA MUNINIRIWI

        PAPPERANGKANA. MUALITUTUIWI ADE MAPPURA ONROE. APA

        TEMMASSAMMUITU ADEE NA SARAE. AKKALITUTUO BARA NAMASEIYYA

        ALLATAALA. SILALOANG SURONA. MURADDEKIWI PAMMASE TENRINGANGKAE.

        PAPPENYAMENG MANNENNUNGENGNGE.

64. PATAMPUANGENGI NARIYASENG TAU MAUPE.

        SEUWANI.                   PASSU’I ADA NAPATUJU

        MADUANNA. MATUI ADA NASITINAJA

        MATELLUNNA.         MOLAI ADA NAPARAPI

        MAEPPANA .               DUPPAI ADA NAPASAU.

65. TANRANNA TAU SULESSANAE.

        1. MOLAI ADA NAPARAPI.  

        2. DUPPAI ADA NAPASAU.      

        3. MATUI ADA NATTUKENNA

        4. TAROI GAU RIAKKUANNAE.

66. PADECENGIWI KALAWING ATIMMU. APA SININNA DECENGNGE ENRENGNGE UPEE. POLEMANENGNGI

       RIDECENG KALAWING ATIE.

        AJA’ SIO MUALAI POMPOLA TOMAPPERUMAE RIWATAKKALEMU. IYYANARITU,

        MATAE, DAUCCILIE, LILAE, INGEE. TOMAPPERRUMA MANETTU RIWATAKKALETA.

        IYYAWA MUALA POMPOLA MATTUNGKA ENGKAE RIWATAKKALETA. IYYANATIRU.

        KALAWING ATI MADECENGNGE. AJA SIO NAMASERRU MUATEPPERI.

        PANGKAUKENNA TOMAPPERUMAE. IYANARITU. PAKKITANNA MATAE.

        PARENGKALINGANNA DAUCCILIE, ADA ADANNA LILLAE, PAREMMAUNNA INGEE.

        GAUNA KALAWING ATI MADECENGNGE RIAKKATENNI.

        MATANNA KALAWING ATIE DE NAKAITA ITA. ( NAKAKITA KITA)

        DAUCCILINNA KALAWING ATI MADECENGNGE DE NARENGKALINGA INGA.

        LILLANA KALAWING ATI MADECENGNGE DE NAKAPAUKAPU.

        INGENA KALAWING ATI MADECENGNGE DE NAKAREMMAUMMAU.

        MAINGE TONGETTONGENG. NAENGERRANGNGI SININNA PURAE

        NAENGKALINGA. NAENGNGERRANGI PURAE NAITA NENNIYYA PURAE NAPOADA.

67. AJA MUMAELO NACECCA. AJATO MUMAELO NATUNAI BICARA.

        AJA TO MUWEDDING NAUJA RAPANG. AJA TO MUWEDDING NAECAWACAWAI WARI.

68. ADE ADALAH KETENRUAN YANG TELAH MENDAPAT PENGAKUAN MASYARAKAT UNTUK MENGATUR

         KERTIBAN DALAM MASYARAKAT.

69. ADE ADALAH BATAS / PENGHALANG BAGI PERBUATAN SEWENANG-WENANG,

        DAN MERUPKAN PERISAI BAGI YANG LEMAH

70. BICARA ADALAH KETENTUAN / HUKUM YANG TELAH MENDAPAT PENGAKUAN MASYARAKAT

       UNTUK DITAATI.

71. RAPAMG ADALAH PERSAMAAN DALAM BERHADAPAN DENGAN BICARA. SEMUA ANGGOTA

       MASYARAKAT HARUS SAMA KEUDUKANNYA DALAM BERHADAPAN DENGAN BICARA

72. WARI ADALAH BATAS BATAS KEWENANGAN DALAM MASYARAKAT.

         

        KESIMPULAN. ADE, BICARA, RAPANG DAN WARI ADALAH PENGADERENG ATAU ADAT ISTIADAT.

73. EPPAI GAUNA GETTENGNGE IYYANARITU.

        1. TESSALAI JANCI

        2. TESSOROSI ULU ADA

        3. TELLUKA ANU RUPA, TEPPINRA ASSITURUSENG.

        4. MABBICARAI NAPARAPI, MABBINRUI TIPUPI NAPAJA

74. IYYA ACCAE OKKOI RITOPANRE NAWANAWAE .

        NAIYYA DECENGNGE OKKOI RI TOMALEBBIE.

        NAIYYA TOMAJAE OKKOI RI AKKALENG TOPASALAE .

        NAIYYA TOBEBEE IYYANARITU TOPUSA NAWA-NAWAE.

75. SININNA GAUE MATTARETTIPI NAMADECENG.

        SEUWANI.                   ISSENGNGI MAJAE. PENESSAIWI MADECENGNGE.

        MADUANNA.              ISSENGNGI TENCAJIE. PENESSAIWI JAJIE.

        MATELLUNNA          ISSENGNGI TEKKUWAE. PENESSAIWI KUWAE.

        MAEPPANA                 ISSENGNGI MACEKOE. PENESSAIWI MALEMOUE.

76. IYYA APPONGENNA ADEE IYYANARITU GAU MAPPASILASAE.

        NAIYYA APPONGENNA BICARAE.IYYANARITU GAU MAPPASISAUE

        NAIYYA APPONGENNA RAPANGNGE. IYYANARITU GAU MAPPASENRUPAE.

        NAIYYA APPONGENNA WARIE. IYANARITU AU MAPPALLAISENGNGE.

       

77. NAREKKO ENGKA GAU MAELO MUPOGAU. TENNAJEPUIWI NAPESSUMMU, NAPOJISIYA

        TANGNGAMU. PUGAUI MAU ENGKA JANA TECCIYA JANA. APA DE DECENNA

        TAU TURUSIENGNGI NAPESSUNNA. SANGADINNA SITURUI TAUWE TANGNGANA NA PATUJU.

78. MAKKADAI TORIOLOE. IYYAPA RIALA PAREWA RITANAE, BETTUWANNA MAKKA TENNIADE.  

        NABOLAIPI EPPAE UWANGENNA.

        SEUWANI    . KENAWA NAWAPI.        MADUANNA. MALEMPUPI.          MATELLUNNA. SUGIPI.

        MAEPPANA. WARANIPI.

79. NAIYYA TANRANNA TAU ENGKAE NAWA-NAWA NA EPPA TOI UWANGENNA.

        1. METAUI RIDEWATA SEUWAE.

        2. METAUI MAKKADA ADA ADA MAJA.

        3. METAUI MAGGAU SALA.

        4. METAUI MALA CEKKA.

80. NAIYYA TANRANNA TOMALEMPUE EPPATOI UWANGENNA.

        1. PEGAUI GAU MAKKALITTU

        2. PEGAUI GAU PATUJU

        3. PEGAUI GAU MADECENG

        4. PEGAUI GAU TONGETTONGENG.

81. NAIYYA TANRANNA TAUSOGIE EPATOI UWANGENNA.

        1. TENNA KURANGI NAWANAWA

        2. TENNA KURANGI BALI ADA. NABALINNA ADAE NABALIYYANGNGI.

        3.  MASAGENAI RISININNA GAUE

        4. TENNA KURANGI SININNA PATTUJUNGNGE.

82. NAIYYA TANRANNA TOWARANIE EPPATOI UWANGENNA.

        1. TEMMETAUI RIPARIOLO

        2.TEMMATAUI RIPARIMONRI

        3. TEMMATUI MENGKALINGA KABERA,

        4. TEMMATAUI MITA BALI.

83. EPPAMUWA UWANGENNA PADECENGITANA. IYYAMANI NAGENNE LIMAPUANGENG NARAPINAMI

       ASELLENGENGE. NARIPATTAMATONA SARA’E .

        SAUWANI. ADEE   MADUANNA RAPANGNGE.   MATELLUNNA WARI E..

        MAEPPANA. BICARAE …     MALIMANNA SARAE.   

        NAIYYA ADEE IYYANA PEDECENGIWI TAU MAEGAE.

        NAIYYA RAPANGE IYYANA PEWATANGIWI ARAJANGNGE.

        NAIYYA WARIE IYYANA PEASSERIWI ASSIJINGENNA TANA MASSIAJINGNGE.

        NAIYYA BICARAE IYYANA SAMPOI GAU BAWANNA TAU MAGGAU BAWANGNGE   RITU.

        NAIYYA SARAE. IYYANA SANRESENNA TOMADODONGNGE NAMALEMPU.

        NAREKKO TENRIPEGAUNI ADEE. MASOLANNI TAU MAEGAE.

        NAREKKO TENRIPEGAINU RAPANGNGE. MADODONNI ARAJJANGNGE.

        NAREKKO DENI WARIE. TESSITURUNI TAU TEBBEE.

        NAREKKO DENI BICARAE . SIANREBALENI TAUWE.APA TENRIPETAUNI GAU BAWANGNGE.

        NAREKKO DENI SARA E. MAGGAU BAWANNI TAUWE.

84. AJA PADA MUGAPAI LEMPUE. MALEMPUKO MUMADECENG BICARA

        MUMAGETTENG. APA IYYA GETTENGNGE. MALEMPUE MADECENG

        BICARAE LAMMPERI SUNGE. APA TEMMATE LEMPUE, TEMMUBBA.

        CEKOE. TEBBAKKETONGENGNGE. TEMMARUTTUNG LAPPAE, TEPPETTU

        MAOMPENGNGE. TEPPOLO MASELLOMOE.

       

85. NAIYYA POMPOENGNGI ASSALENGNGE PUKKAI PACCACCANGNGE.

        SEUWANI .     : AKASIASIANGNGE. NAMAU KASIASI NAMAEGAMUA SIRINA.

        LOLONGEMMOI ACCA. TEPPAOMPPOI ASSALENG MATUNAE. NASAMPPOTOI PACCACCANGNGE. 

        MADUANNA  :  MAGGAU WARANIWI NATENNAULLEI PUNOI BATABATAE

        MATELLUNA : TEMMISSENGNGE PASITIJANAI GAUNA RIALENA, ENRENGNGE RITAUWE.

        NATALOALOE KEDO PINRU AKURANGENG SIRI

86. EPPA LAMPERIWI ARAJANNA ARUNG MANGKAUE / PAMARENTAE.

        1. MAPONCO PAPPEGELLIE, NAMALAMPE ADDAMPENG.

        2. TEMMAPPASILAINGENGNGE TAURILALEMPOLA NATAU MAEGA

        3. TERRUBBUANGNGENGNGI DECENG TAU MAEGANA.

        4. MADECENG PARENTAE RITANANA.

87. PATAMPUANGENGI SOLANGIWI ARUNG MANGKAUE.

        SEUWANI.        : TEYYAI MENGKALINGA PAPPAKAINGE. BETTUANNA NAREKKO ENGKA GAUNA PASALA  NARIPANGJARI DE NAPINRAI GAUNA. IYYAMATOSA NAELORIE NAPOGAU. IYYATONAMATAROI MALONGKO KASIRISIRII.

 MADUANNA . : MASERROI TENNABAKABASA PADANNA TAU. BETTUANNA IYYANATU MASENGNGI  ALENA ARUNG. NAPAKATUNA MANEMMANI TAUWE. IYYATONASA TAROI RIALEBBAI RI TORIWAWANA GAU MAKKUANA RITU.

MATELLUNNA.: BELLEBELLEWE IYYARITU TAROI MATUNA RIPADANNA ARUNG.

MAEPPANA .     :  MARAJA INAPESSU. BETTUANNA PACCAICAIRENG, IYYATONASA RITU PAWAI RIAPUSANGNGE.

88. NAIYYA PERAJAIYYETANA SEPPULOI SIDDI UWANGENNA.

        SEUWANI.                   ADA ADA MADECENGNGE.

        MADUANNA.              AMPE MADECENGNGE.

        MATELLUNNA          BICARA MALEMPUE

        MAEPPPANA              JANCI TENRIALLUPAIYYE ENRENGNGE ULU ADA TENRI WELAIYYE

        MALIMANNA             ADE TENRIBATABATAIYYE.

        MAENNENNA             RAPANG MASSEE.

        MAPIRUNNA              WARI RIATUTUIYYE.

        MAARUWANA           ADA SITURUE RILALEMPANUWA.

        MAASERANA             TANGNGA TESSISALAE

        MASEPPULONA         SIAKKASIRISENGNGE RILALEMPANUWA

        MASEMPULONA SIDDI.  TESSIMELLERENGNGE ININNAWA RISEMPANUWANA.

        APAGISA RISEAJINNA. APA IYYANARITU GAU MADECENGNGE, ENRENGNGE GAU MALEMPUE.

        PUTTAMAI PATTAUNGENGNGE.

89. NAREKKO MAPPAUKO  ENGRRANGNGI ADEE ENRENGNGE RAPANGNGE.

        MUENGNGERRATTOI RIYASENGNGE GAU PATUJU. NAIYYA MUPARANRENGIA

MUPASITAI TONA CAPPANA ADAE NAINAPPA MUPUADA. APA IYYATU ADA

MADECENGNGE,  ENGERNGNGE GAU MADECENG. ADEPA NATETTONG

NAMADECENG ENRENGNGE NAPATUJU.

        MUPARIONROANNAI GAUMU IYYAMANENG, ENRENGNGE ADA ADAMMU.

90. EPPA RUPANNA MAPPASALA NAWANAWA.

        SEUWANI.                   ELOE.

        MADUANNA                TAUE.

        MATELLUNA             TEYYAE

        MAEPPANA                 MACAIE.

        IYYANARO PATANRUPAE MAPPASALA NAWANAWA MAPPASALATOI PASSU ADA.

91. NAIYYA ADENA ARUNGNGE MAKKATENNI WANUWA.

        SEUWANI.                   MALEMPUI NAMACCA MABBICARA

        MADUANNA               MABBABUWA LAPPAPI

        MATELLUNNA          KEANYAREPPALARIPI

        MAEPPANA                 KEPARAMATA MATTAPPI

        MALIMANA                MADDOCILI PAPPEPI

        MAENNENNA             NAMASEIPI TO MAEGAE

        MAPITUNNA              NAMASEIPI TO KASIASIE.

        MAARUWANA           RIAMASEWI PADANGKANGNGE MUTTAMAE MABBALU RIWANUWAE.

        NAIYYA RIYASENGNGE MABBABUWA LAPPA. AGI-AGI NAPOGAU RILALENG WANUWAE.

        NAREKKO TENNAPUSOLANGNGI WANUWAE. SABBARAKESSANI RIYOLO.

        NAIYYA RIYASENGNGE KEANYAREPPALARI. PALECEI SININNA TOMAEGAE.

       NAIYYA RIASENG KEPARAMATA MATTAPPA. AJAMUMELO NASALAI TAU ACCA RIOLOMU

        NAIYYA RIYASENGNGE MADDOCILI PAPPE .AJA MUENGKALINGA ADA RIPAPOLEPOLE

        NAIYYA RIYASENGNGE MAMASEI TAU MAEGAE. AJA MUCARINNAIYYANGNGI WARAMPARANGMMU .        MABBERENGNGI RI TOKASIASIE.

        NAIYYA RIYASENG MAMASEIWI PADANGKANGNGE. RIEWAI ADA. NAIYYA PADANGKANGNGE

       RIAMASEWI RIBALI WANUWANNA. NAPPAISSENGNGI DECENGNGE RILALEMPANUWA

92. NAWANAWAPATU NAGAU . TINULU TEMMANGINGNGI NALURENG TOTO.

        TOTOMU KENNE KILURENG .

        NALALO SIYA WATAMMU. MUTEYYA MAPPESONA.

        TUDANNI RIPESONATA NATOSSANRE RITOTOTA. NARITAJENG. PAMMASENA DEWATAE.

93. DUAMI KUALA SAPPO UNGANNAPANASAE NABELONA KANUKUE.

       

94. MAMMINASAWA PATETTONGENGNGI BOLA RICOPPONA BULUE TENNAKENNA

BALIPUPURU

95. MAMMINASAWA PATETTONGENGNGI. BOLA RITENGNGA TASI TENNA KENNA BOMBANG.

               

96. MASSIMANGNGA TAPPADA GALUNG MASSENRENGPULU .WATANNA BENDORO

97. MASSIMANGNGI TAPPADA GALUNGNGE RI TANCUNG.          

98. SENGEKKA KUBALI SENGETTOKKI

SENGEKKA SIMATAJARANG. KUBALI SENGETTOKKI SIPUPURENG LINO SENGEKKA RIMULA WENNI.  KUBALI SENGETTOKKI RIGILING TINROKU.

                                                                      PENYUSUN

                                                                            H.ANDI BAHARUDDIN